PANTUN BAHASE DUSUN PERANGAI

SMA Negeri 1 Merapi Selatan

Kuspita XII IPA
Putih-putih anak itik
Masihputihla kayu tunggal
Sedih-sedih kamu balik
Masih sedihla kami tinggal

Alangkah lemak midang ke sawah
Kene di sawah ade rambutan
Alahkah ribang kami sekulah
Kene SMA la di Talang Mayan

Keruntung kerengik-rengik
Lalang dik tau nidurinye
Untung dik tau ngambik
Malang dik tau mundurinye

Kecici urank-urak
Abang palak e
Nak benci nak berendak
Ribang pukuk e

Mancing bawah batu
Umpane anak tikus
Ame kabah dindak nak aku
Umak kabah kulikus

Deduhuk tengah padang
Buahe masak gale
Ame kabah masih gi ribang
Pala kite lelahian saje

Asalamualaikum
Waalaikum salam
Die tecantum
Kabah teng gelam

Bederap kembang selapis
Titiran midang bawah buluh
Menyurat sambil menangis
Mikirkah kance badah jauh

Pisang kecik jangan di gureng
Kalu digureng banyak minyak e
Budak kecik jangan dirunding
Kalu dirunding banyak kendak e



Jejuit pucuk plang
Cungdire masak gale
Teduit aku suhang
Ngecunginye galak gale

Cungdire tengah ume
Warnanye abang gale
Bukan dinda aku duitinye
Kene kaba la ade

Tempuyak campur nangke
Bekudak pangkal tangge
Tempuyak campur suon
Bekudak sedusun

Insiani XII IPA
Aku taku ngak linta
Kene linta ngisap daha
Aku takut main cinta
Kene aku masih sekola

Duduk-duduk di bawah jambu
Nginak kilat bedebar-debar
Kalu kakak ribang ngak aku
Kirim surat serte gambar

Deka Yarmiati XII IPA

Lemak tiduk ame tekelap
Lemak langguk ame alap

Ke kume batakke nasi
Sampai di ume tinggal ngulai
Dek betemu ase kemati
La betemu sedut becerai

Ke sawah mbawe pikat
Pikat bebuni di tengah jalan
Kalu sekola pepak li minggat
Itulah nak nginak jeme buyan

Sirih gading naik kenidai
Batang besile di bawahnye
Putih kuning lembut ngencepai
Aku gile uleh ulasnye

Ketik-ketik udang di api
Eman sekembang di perahu
Kecik-kecik la nak belaki
Ngarak makan agi lum pacak


Agus Sulaita XII IPA

Alangka lemak makan pedare
Anye masih lemakla makan semangke
Alangka dimak idup sare
Bilangan jeme encele gale

Pegi kekawean ngambin kinjae
Sampai dikawean nanam kawe
Hai kance banyak-banyakla belajae
Mangke dide jadi pehetuk dunie

Putrianah XII IPA

Pisang kecik jangan digureng
Amen digureng banyak minyake
Budak kecik jangan dirunding
Amen dirunding banyak kendake

Buah niu tige betangkai
Umban sutik melayang-layang
Ilmu ape yang kakang pakai
Sangka adeng te bayang-bayang

Beribu-ribu batang kelape
Anye sutik yang aku ribang
Beribu-ribu anak sekola
Anye sutik yang aku ribang

Sartiani XII IPA
Dimak nian beume tebing
Bilangan jembak rubuh gale
Dimak nian suarian damping
Bilangan jeme pacak gale

Ke ayik bawa bakul
nak mutei buah kawe
Ke balik bawa sampul
nak ngusuri ayik mate

alangka alap malam ini
luk malam malam empat-empat
ala ke aalap budak ini
luk sendal buleh nepat

bukan kami dek bekebun
kebun kami kebun tahuk
bukan kami dek bepantun
pantun kami sekampik buhuk

Arif, XII IPA

Sahini nyuluk kapuk
Pagi nyuluk dehian
Sahini kene tapuk
Pagi lelahian

Pagar alam mutung sepihak
Apanye balik ke ulu
Lalame aku dindak
Dasar kabah dek bemalu

Ton kedaton
Ke talang balek ahi
Sape nak p[antun
Tunjuki nak yupi

Bekatak seperahu
Bukan dindak daek tau

Imam Azhari XII IPA

Buah petai buah gendule
Pehulehan kerbay sandi ume
Aku betitip nak kundang kance
Ijazah jangan buhuk saje

Lemak-lemak makan semangke
Masih lemak makan semelile
Lemak-lemak di huma jeme
Masih lemak di huma jeme tue

Batang dehian pokebesak
Ditetengahe ade gegele
Bukannye ngiluki anye merusak
Itulah care jeme kite

Yumiani XII IPA

Nak kisik masih nak kacang
Kene kacang due lidi
Nak endung masih nak bapang
Kene bapang ngenjuk wali

Buah duku buah rambutan
Masak sikuk di tengah utan
Cintaku bukan buatan
Luk paku melekat di papan

Bekatak kurak karik
Besimbun bawah sehai
Uji bapang palah balek
Uji endung kele kudai

Yusita Putri XII IPA
Leliluk nebang kandis
Bahe tetebang nak seluai
Leliluk mengguri gadis
Bahe tepenggur nak kelawai

Leliluk mukak babak
bahe tekinak nak buaye
Leliluk mukak surat
bahe tetitik ayek mate

alah ke dimak mandi ayek siring
ayek siring batu gale
alahke dimak gumbak keriting
gumbak keriting kutu gale

Melissah XII IPA
Gemuroh pancor di badas
Sangsile tunduk dimandian
Anak umang jangan menangis
Sangke tetibe le bagian

Ade padi tutuk padi
Dide bepadi tutuk atah
Ame tetanti mintak ditanti
Dide tetanti tinggalka lah

Jangan takut atap lalang
Atap lalang pancoran ayek
Jangan takut tandang
Kami tandang masih ka balek

Ala ke lemak makan kweni
Kurang setalam nak dua talam
Alang ke lemak di dusun ini
Kurang semalam nak dua malam

Desi Maya Sari, XII IPA
Hujan rintik-ritik
Di baling humah kami
Ade bujang sutik
Nak maling gadis kami

Inten, XII IPA
Tenggayak pisang di utan
Luk kejadi pisang sabe
Bekayak nasib di badan
Luk ke jadi gadis tue

Ke mane burung bubut
Ncakau buah bintungan
Kemane bujang karut
Ncakau gadis taek idungan

Jiku tadi pisang bedahan
Tauka pisang bepelepah
Jiku tadi ribang belawanan
Tauka ribang sebela

Ayam jalak tiduk di nangke
Terbang ambur ke dehian
Jangan galak bekate saje
Bahe telanjut kami buyan

Burung pipit terbang ke langit
Sampai ke bukit betelue due
Ati siape yek dide sakit
Nginak kakang duduk bedue

Kain itam di jait mesin
Ditunde midang ke bename
Agi itam agi miskin
Mane ke ade diahap saje

Hibut ape hibut mak ini
Hibut nguncang kayu anak
Idup ape idup mak ini
Idup dibuang adek sanak.